This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
ട്രാവന്‍കൂര്‍ കൊച്ചിന്‍ കെമിക്കല്‍സ് ലിമിറ്റഡ്
സര്‍വ്വവിജ്ഞാനകോശം സംരംഭത്തില്‍ നിന്ന്
ട്രാവന്‍കൂര്‍ കൊച്ചിന്‍ കെമിക്കല്‍സ് ലിമിറ്റഡ്
കേരളത്തിലെ ഒരു പൊതുമേഖലാ വ്യവസായ സ്ഥാപനം. കൊച്ചിയിലെ ഉദ്യോഗമണ്ഡലില്‍ പ്രവര്‍ത്തിക്കുന്ന ഈ വ്യവസായ സ്ഥാപനം സ്ഥാപിതമായത് 1951-ലാണ്. 1200-ഓളം പേര്‍ക്ക് തൊഴില്‍ നല്‍കുന്ന ഇവിടത്തെ പ്രധാന ഉത്പന്നങ്ങള്‍ കാസ്റ്റിക് സോഡയും ക്ലോറിന്‍ ഉത്പന്നങ്ങളുമാണ്. കാര്യക്ഷമവും ലാഭകരവുമായി പ്രവര്‍ത്തിക്കുന്ന ഈ സ്ഥാപനത്തിലെ ഉത്പാദനരംഗം 1992-93-ല്‍ സര്‍വകാല റെക്കാര്‍ഡ് സ്ഥാപിക്കുകയുണ്ടായി. പ്രസ്തുത വര്‍ഷത്തില്‍ 49530 മെ. ടണ്‍ കാസ്റ്റിക് സോഡയും 43586 മെ. ടണ്‍ ക്ലോറിനും ഉത്പാദിപ്പിച്ചു. ഏകദേശം 8.3 കോടി രൂപയുടെ മൂലധന നിക്ഷേപമുള്ള ഈ കമ്പനിയുടെ 1992-93-ലെ വിറ്റുവരവ് 63.52 കോടി രൂപയാണ്. പ്രസ്തുത വര്‍ഷം കമ്പനിക്കുണ്ടായ ലാഭം 14.8 കോടി രൂപയും. 1992-93-ലെ കണക്കുകളനുസരിച്ച് കേരളത്തിലെ പൊതുമേഖലാ വ്യവസായ സ്ഥാപനങ്ങളുടെ കൂട്ടത്തില്‍ വിറ്റുവരവു രംഗത്ത് 11-ാം സ്ഥാനവും, ലാഭക്ഷമതയില്‍ 2-ാം സ്ഥാനവുമാണുള്ളത്. കേരളാ ഗവണ്‍മെന്റിന്റേയും ഓഹരി ഉടമകളുടേയും ധനകാര്യസ്ഥാപനങ്ങളുടേയും സംയുക്ത ഉടമസ്ഥതയിലുള്ള ഈ സ്ഥാപനത്തിന്റെ ഭരണച്ചുമതല വഹിക്കുന്നത് വ്യവസായവകുപ്പാണ്.
